原來，我有好多卡。
80年代嘅人，九成都會為過存卡而瘋狂。我當然係其中一份子。
記得當年細細個，見到龍珠真係會射左，乜Q暗閃，閃中閃，其實我真心係唔識分，什至乎我根本唔知佢係正版定老翻。
果陣住大角咀，無野做去富多來真係指定動作，見到一張張閃閃下嘅龍珠卡，有幾個閒錢都會買張番屋企J下。無他嘅，人有我有，果陣無番少少閃奇嘅人我覺得同你依家未去過旅行嘅人一樣咁奇。但版權嘅野我真係識條鐵咩，因為我表哥當時係天才，咩暗閃閃中閃，佢當時係可以自己係張白卡度改出黎，而且廣州有個好出名專係賣老翻動漫遊戲玩具嘅地方叫一德路，唔會驚佢無，只怕你諗唔到。
到大左，開始迷星，就變左真係會去番Yes機度扭Yes卡，睇主圖打斜估下一張卡，一張扭到一半夾佢出黎等可以一蚊抽兩張，為左可以用最少錢存到自己偶像，什至係為左卡背3310個鈴聲編碼，對我黎講係一段好重要嘅回憶。
最近龍珠出番卡，勇者系列終於出番玩具，美少女，小甜甜出番曬黎，一個個商家佬用好多舊野掛住懷舊兩隻字就拎出黎，一部暴龍機你要睇？懷舊價400。想要好似以前嘅玩埋？多謝你600。
嗯。我都係睇番自己收藏過嘅懷舊下算了。
Search